Abbas kate Haathon ka ejaz dikha do munajat lyrics

Munajat lyrics

Abbas kate Haathon ka Ejaz dikha do
Din Mere palat do meri taqdeer banado

Mai bekas o Majboor hoon naachar hoon Aaqa
Muflis hoon tah e dasht hoon naadar hoon Aaqa
Alaam o masaeeb me giraftaar hoon Aaqa
Is waste nusrat ka talabgaar hoon Aaqa

Abbas kate Haathon ka Ejaz dikha do
Din Mere palat do meri taqdeer banado

Mushkil me ghareeb'on ke madadgaar tumhi ho
Har Bekaso be yaar ke gham khaar tumhi ho
Farzaand e Yadullah ho Muqtaar tumhi ho
Fauj e shah e bekas ke Alamdar tumhi ho

Abbas kate Haathon ka Ejaz dikha do
Din Mere palat do meri taqdeer banado

Allah ne baqsha hai tumhe Rutba e Aali
Mohtaaj ke data ho to bekas ke ho waali
Tum babul hawaej ho zamana hai sawaali
Mai bhi hoon gadaa aur hai daaman mera khaali

Abbas kate Haathon ka Ejaz dikha do
Din Mere palat do meri taqdeer banado

Aye Nasir e deen sarwar e mazloom ka sadqa
Aye haami e deen zainab o kulsoom ka sadqa
Besheer ke sukhe huwe hulkhoom ka sadqa
Sajjad ka aur baqer e masoom ka sadqa

Abbas kate Haathon ka Ejaz dikha do
Din Mere palat do meri taqdeer banado

Har simt se mujh per hai musibat ki chadhaai
Apne gham o aalam hai khushiyaan hai parayi
Har raahat e duniya ne Nazar mujhse phiraayi
Dil deta hai ro ro ke sakina ki duhaai

Abbas kate Haathon ka Ejaz dikha do
Din Mere palat do meri taqdeer banado

Aaqa shah e Mazloom ki taaqeer ki sadqa
Bechaargi e zainab dilgeer ka sadqa
Darbaar me goonji huvi taqreer ka sadqa
Beemar se lipti huvi zanjeer ka sadqa

Abbas kate Haathon ka Ejaz dikha do
Din Mere palat do meri taqdeer banado

Aaqa Ye kaneez apna Kise haal sunaaye
Kaun aisa hai toota huwa dil jisko dikhaye
Apne bhi nazar aane lage abto paraaye
Hai Kaun tumhare siwa bigdi ko banaye

Abbas kate Haathon ka Ejaz dikha do
Din Mere palat do meri taqdeer banado