Nauha Lyrics Hussain Hussain *4 Haaye Hussain Pyaase Hussain Jaan - e - Payambar Dilbar e Zehra Apna bhara Ghar tune lutaya Ibne Ali Ahsaan Hai Tera Tu hai muhafiz Kaaba e Haq ka Sajde me sar tera kataa Haaye Hussain Pyaase Hussain Dhoond Rahe hai Ran me Sarwar Bechaini se Laash e Akbar Khate Hai har Gaam pa Thokar Kaun Sahara Dega Badhkar Aalam e Gurbat Dasht e Bala Haaye Hussain Pyaase Hussain Zainab ki Aankhon ke Ujaale Aun-O-Mohammad Run ko Sidhare Jung hui aur khoon me Nahaye Maqtal se jab Aaye laashe Karti hai zainab Shukr e Khuda Haaye Hussain Pyaase Hussain Byaah Hui Kuch der na guzri Run ko chali Qasim ki Sawari Kubra baithi Soch rahi thi Ab ujhde gi Maang Hamaari Aagaya Dulha ka Laasha Haaye Hussain Pyaase Hussain Thaam e kamar ye kehte the sarwar Dasht e Bala me Shaan e kata kar Qatl hue Abbas e Dilwar De Pursa mujhko meri khwahar Hogaya zainab mai Tanha Haaye Hussain Pyaase Hussain Bain Yahi karti thi Sakina Chod gaye kyu mujhko tanha Badta hai jungle ka Andhera Aajao Aajao Baba *2 Deti hu kab se tumko sada Haaye Hussain Pyaase Hussain Soti thi seene pa tumhare tumne mere naaz uthaye Shumr ne maare mujhko tamache khoon tapakta hai kaano se Neend nahi aati Baba Haaye Hussain Pyaase Hussain Kaisi Ghadi hai Aale Nabi par Ghash me pade hai Abid e Muztar Keh de koi Abbas se Jaakar Cheen Raha hai Shimr sitamgar Binte Ali ke Sar se Rida Haaye Hussain Pyaase Hussain Zainab ke Baazu me Rasan hai Aur Labo par bas ye suqan hai Laash teri Be Goro Kafan Hai Aaj bahut Majboor Bahan Hai Sar pa nahi Chadar Bhayya Haaye Hussain Pyaase Hussain Kijiye Rasheed is Gham ki Hifazat Ashq e Aza hai qalb ki khuwwat Karte rahe har dam ye ibadat Matam hai Shabbir ki Nusrat Gunji faza me Bas ye Sada Haaye Hussain Pyaase Hussain
Comments
Post a Comment