Nauha lyrics Zaeef Baap se Laash e Pisar nahi’n uthti Tadap ke kehti hai ye Roohe Fatima Zehra Bala ke dasht me Mera Hussain hai tanha Dayare ghair me uska nahi’n koi apna Ajeeb waqt e musibat hai Ya Ali Madadi Zaeef Baap se Laash e Pisar nahi’n uthti Andhera aankhon me hai aur kamar khameeda hai Karega kaun madad Bhai aur na beta hai Nabi ka Noore Nazar kis qadar Akela hai
Lahu rulati hai Mere Pisar ko tanhaai
Zaeef Baap se Laash e Pisar nahi’n uthti Pukari khaime ke dar se ye zainab e dilgeer nidhal gham se bhara Ghar ye haire taqdeer ilahi kaise sambhalenge apna dil shabbir pisar ke gham me na ruk jaye dadhkane Dil ki Zaeef Baap se Laash e Pisar nahi’n uthti Lahu na kaise ho Mohsin ye Baap ka dil hai Ye imtihan e muhabbat ki sakht manzil hai Jawaan Laash akele uthaein mushkil hai Sitam ki dhoop me tanha khade hai Sibte Nabi Zaeef Baap se Laash e Pisar nahi’n uthti Zameen e garm pa hai Laasha e Shabihe Rasool Badan ke zakhm mehekte hain jaise Khuld ke phool Hujoom hasrato harmaa’n hai aur jaane Batool Hai larza haathon me Sarwar ke lab pa Naad e Ali Zaeef Baap se Laashe Pisar nahi’n uthti Kinaare nehr pa Sote hain Hazrat e Abbas Adu ke narghe me bekas Hussain hain be aas Hai saath saath faqat be nawaai ka ehsaas Jawa’n ki Laash pa kehti hai Sheh ki tashna labi Zaeef Baap se Laash e Pisar nahi’n uthti
Comments
Post a Comment