Nauha Lyrics SHABBIR HAI TANHA MERA ABBAS KAHAN HAIN Do laakh ke narghe me Muhammad ka Nashaa’n hai Hamdard kahan koi har ik dushmane jaa’n hai Ab maot hi Haidar ke Dulaare ki amaa’n hai Maqtal ki fazaon me ye Zehra ki fughaa’n hai Shabbir hai tanha Mera Abbas kahan hai Badte hai layeen haton may tayghon ko sambhale Pathar hai baraste hue chalte hue bhaale Mazloom ka ab koi nahi hai jo bachale Jis simt uthti hai nazar khanjar hai sina hai Shabbir hai tanha Mera Abbas kahan hai Narghe me sitamgaaro’n ke ghash hai Mera Dilbar Khanjar liye aata hai udhar shimre sitamgar Rann me nikal aayi hai idhar Zainabe Muztar Khaimo’n me Nabi zaadio’n ki aaho fughaa’n hai Shabbir hai tanha Mera Abbas kahan hai Andaaz tasawur me jaga pa gaya kiska Ye dard Mere Laal ko tadpa gaya kiska Khanjar ke tale bhi ye khayal aagaya kiska Mazloom suwe nehr ba hasrat nigaraa’n hai Shabbir hai tanha Mera Abbas kahan hai Shabbir ki tanhai pa ha’nste hain sitamgar Ab koi sahara nahi’n Qasim hai na Akbar Sambhla nahi’n jaata Mere Bachche se faras par Pyaase ki nigahon me har ik simt dhua’n hai Shabbir hai tanha Mera Abbas kahan hai
Comments
Post a Comment